Er Y í háskóla?

Kata var að gera stafsetningaræfingar með stelpunum sínum.

Hún las upp nokkur orð, fyrst fyrir Margréti og síðan Elísabetu, sem þær skrifuðu samviskusamlega upp.

Elísabet fékk óvart öllu þyngri orð, öll með y sem er ansi erfitt fyrir 8 ára krakka.

Kata fékk að vonum samviskubit yfir því hvað hún lagði erfiða þraut fyrir Elísabetu og útskýrði málið með því að hún hefði ruglast, hún væri svo vön að kenna í háskóla þar sem hún legði þungar spurningar fyrir nemendur.

Margrét fylgdist með útskýringunum, melti þetta með sér í smástund og spurði svo: Er y í öllum orðum í háskóla?

Athugasemdir

[Garún, 19.10.2009 kl. 09:25]

hahaha....ég set alltaf Y til öryggis ef ég er ekki viss! Vinkona mín er í háskólanum og er alltaf að segja mér ef z væri í þessu og hinu og ég verð að segja..eins og það er nú kúl að hafa z þá er það massa flókin regla sem ég er búin að gleyma!