Margrét Elísabet Ingiríður Elísabet Margrét

Margrét Elísabet Ingiríður Elísabet Margrét er komin í hús!

Mikil var hamingjan í Logalandinu þegar Prinsessan á Bessastöðum barst inn á heimilið. Við eigum bókina um Ballið á Bessastöðum og skemmtun okkur konunglega við lesturinn. Gerður Kristný er auðvitað guðdómlega fyndin og þær systur, Margrét og Elísabet, voru yfir sig hrifnar af forsetanum sem vildi helst vera ýtustjóri. Þegar ég sagði þeim að Gerður Kristný væri að skrifa nýja bók um forsetann og að í henni væri prinsessan og nafna þeirra, Margrét Elísabet Ingíríður Elísabet Margrét, þá gátu þær varla beðið.

Nú eru þær systur löngu orðnar fluglæsar. Í gærkvöldi skriðu þær upp í rúm og lásu fyrir svefinn. Margrét las um Doktor Proktor og prumpuduftið, en Elísabet er í sveitarómantíkinni með söguna um Öddu eftir Jennu og Hreiðar.

Kannski vilja þær lesa Prinsessuna á Bessastöðum sjálfar. Það kemur hins vegar ekki til greina! Ég ætla sko að lesa hana fyrir þær, svo ég missi áreiðanlega ekki af neinu. Svo verð ég bara að stilla mig um að klára hana þegar þær eru sofnaðar

Athugasemdir

[Jóna (IP-tala skráð) 19.11.2009 kl. 19:08]

ohhh.  Yndislegur tími.  Ekki láta þær gleyma að lesa Baldintátu, Fimm fræknu, Grím grallara, Elías, Óla Alexander Fílíbomm bomm, pabbi, mamma og átta börn ............................. o.s.frv.  Mikill ævintýraheimur og óborganleg skemmtun, þessar gömlu bækur eru nefnilega í raun aldurslausar.